سورة البقرة - آیت 281
وَاتَّقُوا يَوْمًا تُرْجَعُونَ فِيهِ إِلَى اللَّهِ ۖ ثُمَّ تُوَفَّىٰ كُلُّ نَفْسٍ مَّا كَسَبَتْ وَهُمْ لَا يُظْلَمُونَ
ترجمہ سراج البیان - مستفاد از ترجمتین شاہ عبدالقادر دھلوی/شاہ رفیع الدین دھلوی
اور اس دن سے ڈرتے رہو جس دن تم خدا کی طرف واپس جاؤ گے ، پھر ہر کسی کو اس کی کمائی کا پورا بدلہ ملے گا اور ان پر ظلم نہ ہوگا ۔
تفسیر اشرف الہواشی - محمد عبدہ لفلاح
ف 9 متعد روایات سے معلوم ہوتا ہے کہ یہ قرآن کی سب سے آخری آیت ہے جو نبی (ﷺ) پر نازل ہوئی۔ آنحضرت (ﷺ) اس کے بعد بعض روایات کے مطابق اکیس روز اور بعض کے مطابق صرف نو روز زندہ رہے۔ نیز ایک روایت میں ہے کہ آنحضرت (ﷺ) نے فرمایا اس کو الرِّبَا اور الدَّين دنوں آیتوں کے درمیان لکھو۔( ابن کثیر۔ روح المعانی )