سورة الأنبياء - آیت 72

وَوَهَبْنَا لَهُ إِسْحَاقَ وَيَعْقُوبَ نَافِلَةً ۖ وَكُلًّا جَعَلْنَا صَالِحِينَ

ترجمہ سراج البیان - مستفاد از ترجمتین شاہ عبدالقادر دھلوی/شاہ رفیع الدین دھلوی

اور ہم نے ابراہیم (علیہ السلام) کو اسحاق (علیہ السلام) بخشا ، اور یعقوب (علیہ السلام) انعام میں دیا ، اور سب کو نیک بخت کیا ۔

تفسیر اشرف الہواشی - محمد عبدہ لفلاح

ف 6۔ یعنی جو انہوں نے مانگا نہیں تھا لیکن ہم نے اپنی طرف سے مزید انعام کے طور پر دیا۔ شاہ صاحب (رح) لکھتے ہیں : دعا تھی بیٹے ہی کی انعام میں دیا پوتا۔ (موضح) مگر اقرب یہ معلوم ہوتا ہے کہ ” نَافِلَةٗ“ کا تعلق دونوں سے ہے (کبیر) ف 7۔ یعنی حضرت ابراہیم ( علیہ السلام)، لوط ( علیہ السلام)، اسحاق ( علیہ السلام) اور یعقوب ( علیہ السلام) سب کو اپنا مطیع فرمانبردار بنایا۔