سورة الأنبياء - آیت 40

بَلْ تَأْتِيهِم بَغْتَةً فَتَبْهَتُهُمْ فَلَا يَسْتَطِيعُونَ رَدَّهَا وَلَا هُمْ يُنظَرُونَ

ترجمہ سراج البیان - مستفاد از ترجمتین شاہ عبدالقادر دھلوی/شاہ رفیع الدین دھلوی

بلکہ وہ ان پر اچانک آجائے گی ، پھر ان کو ہکا بکا بنادے گی ، پھر وہ اسے نہ ہٹا سکیں گے اور نہ مہلت پائیں گے۔ (ف ١)

تفسیر اشرف الہواشی - محمد عبدہ لفلاح

ف 9 آیت میں ” تَأۡتِيهِم(وہ آئیگی) کی ضمیر“ ھی“ (وہ) ” ٱلنَّارَ “ یعنی آگ کے لئے بھی ہو سکتی ہے۔ اور ” الساعۃ“ (قیامت) کے لئے بھی اور ” ٱلۡوَعۡدُ “ (دنیا میں عذاب کے وعدہ) کے لئے بھی یعنی ان میں سے کوئی چیز بھی آئے گی وہ بتا کر نہیں آئے گی، بلکہ یکایک آئے گی۔ پھر نہ اس سے بچ نکلنے کی راہ پائو گے اور نہ تمہیں کوئی مہلت دی جائے گی کہ توبہ کرسکو۔ (شوکانی)