سورة طه - آیت 126

قَالَ كَذَٰلِكَ أَتَتْكَ آيَاتُنَا فَنَسِيتَهَا ۖ وَكَذَٰلِكَ الْيَوْمَ تُنسَىٰ

ترجمہ سراج البیان - مستفاد از ترجمتین شاہ عبدالقادر دھلوی/شاہ رفیع الدین دھلوی

خدا فرمائے گا ، اسی طرح ہماری آیتیں تیرے پاس آئیں سو تونے انہیں بھلا دیا ، اور اسی طرح آج تو بھلایا گیا ۔

تفسیر اشرف الہواشی - محمد عبدہ لفلاح

ف 8 یعنی عمل نہ کیا اور یقین نہ کیا۔ آنحضرتﷺ نے فرمایا میری امت کے سارے گناہ مجھ کو دکھائے گئے ان میں سب سے بڑا گناہ یہ دیکھا کہ قرآن کی آیت کسی شخص کو یاد ہوئی پھر اس نے بھلا دی۔ ( موضح) اشارہ ہے قوم ثمود اور قوم لوط کی تباہ شدہ بستیوں کی طرف جن سے مکہ والے ملک شام کو آتے جاتے گزرا کرتے تھے۔