سورة مريم - آیت 84

فَلَا تَعْجَلْ عَلَيْهِمْ ۖ إِنَّمَا نَعُدُّ لَهُمْ عَدًّا

ترجمہ سراج البیان - مستفاد از ترجمتین شاہ عبدالقادر دھلوی/شاہ رفیع الدین دھلوی

تو تو ان پر جلدی نہ کر ، ہم تو ان کے لئے شمار پوری کرتے ہیں ۔

تفسیر اشرف الہواشی - محمد عبدہ لفلاح

ف 4 یعنی آپ اس بارے میں تعجب نہ کریں کہ ہم نے ان کی رسی ڈھیلی کیوں چھوڑ رکھی ہے اور اس قدر سرکشی کے باوجود ان کی گرفت كیوں نہیں کرتے۔ بس اب مہلت کے دن پورے هورہے ہیں اور ان کی شامت آیا ہی چاہتی ہے۔