سورة مريم - آیت 16

وَاذْكُرْ فِي الْكِتَابِ مَرْيَمَ إِذِ انتَبَذَتْ مِنْ أَهْلِهَا مَكَانًا شَرْقِيًّا

ترجمہ سراج البیان - مستفاد از ترجمتین شاہ عبدالقادر دھلوی/شاہ رفیع الدین دھلوی

اور کتاب (قرآن) میں مریم( علیہا السلام) کو یاد کر ، جب وہ اپنے لوگوں سے ایک شرقی مکان میں الگ ہو بیٹھی ۔

تفسیر اشرف الہواشی - محمد عبدہ لفلاح

ف 2 حضرت زکریا کے قصہ کی مناسبت سے حضرت مریم کا قصہ ذکر فرما دیا( دیکھیے سورۃ آل عمران رکوع 5) ف 3 عبادت کے لئے یا حیض سے طهارت حاصل کرنے کیلئے حضرت ابن عباس فرماتے ہیں ” مجھے خوب معلوم ہے کہ نصاریٰ نے مشرق کو اس آیت کی وجہ سے قبلہ بنایا ہے۔(ابن جریر )جیسا کہ شاہ صاحب نے بھی لکھا ہے : وہ مکان مشرق میں تھا اب نصاریٰ مشرق کو قبلہ ٹھہراتے ہیں۔ (موضح)