سورة البقرة - آیت 152

فَاذْكُرُونِي أَذْكُرْكُمْ وَاشْكُرُوا لِي وَلَا تَكْفُرُونِ

ترجمہ سراج البیان - مستفاد از ترجمتین شاہ عبدالقادر دھلوی/شاہ رفیع الدین دھلوی

سو تم مجھے یاد کرو میں تمہیں یاد کروں گا اور میرے شکر گزار رہو اور ناشکری نہ کرو ۔

تفسیر اشرف الہواشی - محمد عبدہ لفلاح

ف 3: ﴿ فَٱذۡكُرُونی﴾میں فا تفر یع لاکر اشارہ فرمایا ہے کہ مذکورہ انعامات کا تقاضا یہ ہے کہ میری شکرگزاری کے لیے مجھے یاد کرتے رہو ذکر الہی اللہ تعالیٰ کی اطاعت اور فرمانبر داری کا نام ہے ایک حدیث میں ہے(مَن أطاعَ اللَّهَ فقد ذَكَرَ اللَّهَ )یعنی جس نے اللہ تعالیٰ کی اطاعت کی اس نے اللہ تعالیٰ کو یاد کیا ویسے احادیث میں ذکر کی بہت فضیلت آئی ہے ( ابن کثیر )،( نیز دیکھئے سورت احزاب 41)