سورة یونس - آیت 17

فَمَنْ أَظْلَمُ مِمَّنِ افْتَرَىٰ عَلَى اللَّهِ كَذِبًا أَوْ كَذَّبَ بِآيَاتِهِ ۚ إِنَّهُ لَا يُفْلِحُ الْمُجْرِمُونَ

ترجمہ سراج البیان - مستفاد از ترجمتین شاہ عبدالقادر دھلوی/شاہ رفیع الدین دھلوی

سو اس سے زیادہ ظالم کون ہے جو خدا پر جھوٹ باندھے ، یا اس کی آیتوں کو جھٹلائے بےشک مجرموں کا بھلا نہیں ہوتا ۔

تفسیر اشرف الہواشی - محمد عبدہ لفلاح

ف 5۔ یعنی اگر یہ قرآن خود میں نے تصنیف کرلیا ہے جیسا کہ تم سمجھتے ہو تو میں نے خدا پر بہتان باندھا جس کے برابر کوئی گناہ نہیں۔ مگر اس کا خدا کی طرف سے ہونا اوپر کے دلائل سے ثابت ہوچکا ہے۔ اس کے بعد بھی اگر تم نے اس کی آیات کوجھٹلایاتو تم سے بڑھ کر کوئ گناہ گار نہیں اور ایسے گنہگاراور مجرم کبھی فلاح نہیں پاسکتے۔ (کبیر)۔