سورة التوبہ - آیت 9

اشْتَرَوْا بِآيَاتِ اللَّهِ ثَمَنًا قَلِيلًا فَصَدُّوا عَن سَبِيلِهِ ۚ إِنَّهُمْ سَاءَ مَا كَانُوا يَعْمَلُونَ

ترجمہ سراج البیان - مستفاد از ترجمتین شاہ عبدالقادر دھلوی/شاہ رفیع الدین دھلوی

انہوں نے اللہ کی آیات تھوڑی قیمت پر بیچیں ، اور اس کی راہ سے لوگوں کو روکا ، برے کام ہیں ، جو وہ کرتے ہیں ۔

تفسیر اشرف الہواشی - محمد عبدہ لفلاح

ف 9 یعنی یہ تو وہ لوگ ہیں جنہوں نے دنیا کی چند روزہ زندگی کے مفاد کی خاطر اللہ تعالیٰ کے احکام کو رد کردیا۔ پھر اسی پر اکتفا نہیں کیا کہ خود اسلام کی راہ اختیار نہ کی بلکہ دوسروں کو بھی اسلام کی راہ اختیار کرنے سے رو کتے رہے۔ ( از شو کانی )