سورة البينة

بِسْمِ اللَّهِ الرَّحْمَٰنِ الرَّحِيمِ

شروع کرتا ہوں میں اللہ تعالیٰ کے نام سے جو بڑا مہربان نہایت رحم والا ہے (سورۃ البینۃ۔ سورۃ نمبر ٩٨۔ تعداد آیات ٨)

انس رضی اللہ عنہ سے روایت ہے کہ نبی صلی اللہ علیہ وسلم نے اُبی بن کعب رضی اللہ عنہ سے فرمایا : (( إِنَّ اللّٰهَ أَمَرَنِيْ أَنْ أَقْرَأَ عَلَيْكَ : ﴿لَمْ يَكُنِ الَّذِيْنَ كَفَرُوْا﴾ قَالَ وَسَمَّانِيْ؟ قَالَ نَعَمْ، فَبَكٰی)) [بخاري، التفسیر، سورۃ : ﴿لم یکن﴾ : ۴۹۵۹ ]’’اللہ تعالیٰ نے مجھے حکم دیا ہے کہ میں تمھیں ’’ لَمْ يَكُنِ الَّذِيْنَ كَفَرُوْا ‘‘ پڑھ کر سناؤں۔‘‘ اُبی رضی اللہ عنہ نے کہا : ’’اور کیا اللہ نے میرا نام بھی لیا ہے؟‘‘ آپ نے فرمایا : ’’ہاں!‘‘ تو اُبی رضی اللہ عنہ (یہ سن کر خوشی سے) رونے لگے۔‘‘