سورة الفجر

وَثَمُودَ الَّذِينَ جَابُوا الصَّخْرَ بِالْوَادِ

اور ثمودیوں کے ساتھ جنہوں نے وادی میں بڑے بڑے پتھر تراشے تھے۔ (١)

وَ ثَمُوْدَ الَّذِيْنَ جَابُوا الصَّخْرَ بِالْوَادِ: ’’جَابُوْا ‘‘ ’’جَابَ يَجُوْبُ جَوْبًا‘‘ (ن) کاٹنا۔ ’’ الصَّخْرَ ‘‘ اسم جنس ہے، چٹانیں۔ مفسرین کہتے ہیں کہ ثمود پہلے لوگ ہیں جنھوں نے پہاڑوں کو کاٹ کر گھر بنائے۔ (شوکانی) آج کل اس ’’وادی القریٰ ‘‘ کا نام ’’العلاء‘‘ ہے جو سعودی عرب میں ہے اور وہ مدائن صالح ( جو ثمود کا مرکزی شہر تھا) سے تقریباً بیس میل کے فاصلے پر واقع ہے۔ (دیکھیے سورۂ حجر : ۸۲) (اشرف الحواشی)