سورة البروج

وَهُوَ الْغَفُورُ الْوَدُودُ

وہ بڑا بخشش کرنے والا اور بہت محبت کرنے والا ہے۔

وَ هُوَ الْغَفُوْرُ الْوَدُوْدُ: اللہ تعالیٰ کے قہر و جلال کے ذکر کے ساتھ ہی اس کی صفات رحمت کا تذکرہ ہے کہ اگر تم توبہ کر لو تو وہ بے حد بخشنے والا ہے۔ ’’ الْوَدُوْدُ ‘‘ ’’وَدَّ يَوَدُّ وُدًّا‘‘ (س) سے ’’فَعُوْلٌ‘‘ کے وزن پر مبالغے کا صیغہ ہے، بہت محبت کرنے والا، یعنی وہ بندوں کا دشمن نہیں بلکہ ان سے بہت محبت کرنے والا ہے، سزا صرف اس کو دیتا ہے جو سرکشی پر اتر آئے۔