سورة عبس - آیت 2

أَن جَاءَهُ الْأَعْمَىٰ

(صرفٖ اس لئے) کہ اس کے پاس ایک نابینا آیا (١)

اَنْ جَآءَهُ الْاَعْمٰى : ( اس لیے تیوری چڑھائی) کہ اس کے پاس نابینا آیا، حالانکہ نابینا تو زیادہ لطف و کرم کا مستحق تھا۔ پھر اگر اس کے دین کی بات پوچھنے سے کسی چودھری کے ساتھ کلام قطع ہوا ہے، جس کے اسلام لانے کی آپ کو امید تھی اور اس وجہ سے تیوری پڑی ہے تو اس میں اس کا کیا قصور؟ وہ تو نابینا ہے، اسے کیا پتا کہ آپ کس سے بات کر رہے ہیں؟