سورة الواقعة - آیت 75

فَلَا أُقْسِمُ بِمَوَاقِعِ النُّجُومِ

ترجمہ مکہ - مولانا جوناگڑھی صاحب

پس میں قسم کھاتا ہوں ستاروں کے گرنے کی (١)

تفسیر القرآن کریم (تفسیر عبدالسلام بھٹوی) - حافظ عبدالسلام بن محمد

فَلَا اُقْسِمُ بِمَوٰقِعِ النُّجُوْمِ ....: ’’ فَلَا اُقْسِمُ ‘‘ کی تفسیر کے لیے دیکھیے سورۂ قیامہ کی پہلی آیت کی تفسیر۔ ’’مَوَاقِعُ‘‘ ’’مَوْقِعٌ‘‘ کی جمع ہے جو ’’ وَقَعَ يَقَعُ‘‘ سے ظرف ہے یا مصدر میمی، گرنے کی جگہیں۔ اس سے مراد ستاروں کے غروب ہونے کے مقامات ہیں، یا شہابِ ثاقب کی صورت میں شیاطین پر برسنے والے ستاروں کے گرنے کے مقامات۔