سورة القمر

وَحَمَلْنَاهُ عَلَىٰ ذَاتِ أَلْوَاحٍ وَدُسُرٍ

اور ہم نے اسے تختوں اور کیلوں والی کشتی پر سوار کرلیا۔

وَ حَمَلْنٰهُ عَلٰى ذَاتِ اَلْوَاحٍ وَّ دُسُرٍ:’’ اَلْوَاحٍ ‘‘ ’’لَوْحٌ‘‘ کی جمع ہے، لکڑی وغیرہ کے تختے۔ ’’ دُسُرٍ ‘‘ ’’دِسَارٌ‘‘ کی جمع ہے، جیسے ’’كِتَابٌ‘‘ کی جمع ’’كُتُبٌ‘‘ ہے، کیل یا میخیں خواہ لکڑی کی ہوں یا لوہے وغیرہ کی، جن کے ساتھ تختے جوڑے جاتے ہیں۔ مراد کشتی ہے جو نوح علیہ السلام نے اللہ تعالیٰ کے حکم کے مطابق طوفان آنے سے پہلے تیار کر لی تھی۔ مزید دیکھیے سورۂ ہود (۳۷ تا ۴۱)کی تفسیر۔