سورة النجم

أَلَّا تَزِرُ وَازِرَةٌ وِزْرَ أُخْرَىٰ

کہ کوئی شخص کسی دوسرے کا بوجھ نہ اٹھائے گا۔

اَلَّا تَزِرُ وَازِرَةٌ وِّزْرَ اُخْرٰى: ’’ اَلَّا تَزِرُ ‘‘ اصل میں ’’ أَنْ لاَ تَزِرُ‘‘ ہے، ’’أَنْ‘‘ تفسیریہ ہے یا ’’أَنَّهُ‘‘ کی تخفیف ہے۔ یہاں سے ابراہیم اور موسیٰ علیھما السلام کے صحیفوں میں سے چند احکام نقل فرمائے ہیں، ان میں سے پہلا یہ ہے کہ کوئی بوجھ اٹھانے والی (جان) کسی دوسری (جان) کا بوجھ نہیں اٹھائے گی۔ تفسیر کے لیے دیکھیے سورۂ انعام (۱۶۴)، بنی اسرائیل (۱۵) اور فاطر (۱۸)۔