سورة النجم

مَا زَاغَ الْبَصَرُ وَمَا طَغَىٰ

نہ تو نگاہ بہکی نہ حد سے بڑھی (١)

مَا زَاغَ الْبَصَرُ وَ مَا طَغٰى: ’’زَاغَ يَزِيْغُ زَيْغًا‘‘ ٹیڑھا ہونا اور ’’طَغٰي يَطْغٰي طُغْيَانًا‘‘ حد سے بڑھنا۔ اس میں رسول اللہ صلی اللہ علیہ وسلم کے کمالِ ادب، تحمل اور استقامت کا بیان ہے کہ جبریل علیہ السلام کو اور اللہ تعالیٰ کی دوسری آیات کبریٰ کو دیکھتے ہوئے آپ کی نگاہ انھی پر مرکوز رہی، نہ دائیں یا بائیں طرف گئی اور نہ ان سے آگے بڑھی۔