سورة الطور

وَمِنَ اللَّيْلِ فَسَبِّحْهُ وَإِدْبَارَ النُّجُومِ

اور رات کو بھی اس کی تسبیح پڑھ اور ستاروں کے ڈوبتے وقت بھی (١)

1۔ وَ مِنَ الَّيْلِ فَسَبِّحْهُ: اس سے مراد مغرب اور عشاء ہے۔ 2۔ وَ اِدْبَارَ النُّجُوْمِ: اس سے مراد فجر کی فرض نماز ہے۔ بعض حضرات نے اس سے مراد فجر کی نماز سے پہلے کی دو رکعتیں لی ہیں، مگر امام طبری فرماتے ہیں کہ یہاں ’’ فَسَبِّحْهُ ‘‘ امر کا صیغہ ہے جو فرض کے لیے ہے، اس لیے اس سے مراد فرض رکعتیں ہیں۔ خلاصہ یہ ہے کہ ان آیات میں پانچوں نمازوں کا حکم ہے، اس طرح کہ ’’ حِيْنَ تَقُوْمُ ‘‘ میں ظہر و عصر کا، ’’ مِنَ الَّيْلِ ‘‘ میں مغرب و عشاء کا اور ’’ اِدْبَارَ النُّجُوْمِ ‘‘ میں فجر کی نماز کا ذکر ہے۔ (واللہ اعلم)