سورة الزخرف

لَا يُفَتَّرُ عَنْهُمْ وَهُمْ فِيهِ مُبْلِسُونَ

یہ عذاب کبھی بھی ان سے ہلکا نہ کیا جائے گا اور وہ اسی میں مایوس پڑے رہیں گے (١)

1۔ لَا يُفَتَّرُ عَنْهُمْ: ’’فُتُوْرٌ‘‘ کسی چیز میں وقفہ یا ٹھہراؤ آنا، یا اس کی قوت یا رفتار میں آہستہ آہستہ کمی آتے جانا، جیسے کہا جاتا ہے : ’’فَتَرَتِ الْحُمّٰي‘‘ ’’بخار میں کمی یا وقفہ ا ٓ گیا۔‘‘ ’’ لَا يُفَتَّرُ ‘‘ (باب تفعیل) کا مطلب یہ ہے کہ ان کے عذاب میں کسی قسم کا وقفہ یا کمی نہیں آنے دی جائے گی۔ 2۔ وَ هُمْ فِيْهِ مُبْلِسُوْنَ: مصیبت سے نجات کی امید بھی کچھ نہ کچھ راحت کا باعث ہوتی ہے، یہ کہہ کر امید کی بھی نفی فرما دی کہ وہ اسی جہنم میں مایوس اور ناامید ہو کر رہنے والے ہیں۔