سورة الصافات

فَأَقْبَلُوا إِلَيْهِ يَزِفُّونَ

وہ (بت پرست) دوڑے بھاگے آپ کی طرف متوجہ ہوئے (١)

فَاَقْبَلُوْا اِلَيْهِ يَزِفُّوْنَ : ’’ زَفَّ يَزِفُّ زَفًّا وَ زُفُوْفًا وَ زَفِيْفًا ‘‘ (ض) تیزی سے جانا، دوڑنا۔ یعنی بتوں کا یہ حال دیکھ کر قوم کو یہ جاننے میں کوئی مشکل پیش نہیں آئی کہ ان کا یہ حال کس نے کیا ہے، کیونکہ ابراہیم علیہ السلام انھیں پہلے ہی اپنے ارادے سے آگاہ کر چکے تھے، اس لیے وہ سب دوڑتے ہوئے ان کے پاس آئے اور انھیں پکڑ کر مجمع میں لے آئے۔ تفصیل کے لیے دیکھیے سورۂ انبیاء (۵۹ تا ۶۱)۔