سورة الحجر

ادْخُلُوهَا بِسَلَامٍ آمِنِينَ

(ان سے کہا جائیگا) سلامتی اور امن کے ساتھ اس میں داخل ہوجاؤ۔

اُدْخُلُوْهَا بِسَلٰمٍ....: یعنی انھیں یہ کہا جائے گا۔ ’’ بِسَلٰمٍ ‘‘ یعنی ہر قسم کے آفات و مصائب سے سلامتی کے ساتھ، ایک دوسرے کو سلام کہتے ہوئے، فرشتوں کے سلام سنتے ہوئے اور پروردگار عالم کے ’’ سَلٰمٌ قَوْلًا مِّنْ رَّبٍّ رَّحِيْمٍ ‘‘ کے ساتھ۔ (دیکھیے یٰسٓ : ۵۸) اسی لیے جنت کا ایک نام ’’دار السلام‘‘ بھی ہے، فرمایا : ﴿ لَهُمْ دَارُ السَّلٰمِ عِنْدَ رَبِّهِمْ ﴾ [ الأنعام : ۱۲۷ ] ’’ اٰمِنِيْنَ ‘‘ ہر خوف خطرے سے محفوظ۔