سورة الحجر

لَّوْ مَا تَأْتِينَا بِالْمَلَائِكَةِ إِن كُنتَ مِنَ الصَّادِقِينَ

اگر تو سچا ہی ہے تو ہمارے پاس فرشتوں کو کیوں نہیں لاتا (١)۔

لَوْ مَا تَاْتِيْنَا بِالْمَلٰٓىِٕكَةِ : کہ فرشتے سامنے آ کر گواہی دیں کہ یہ واقعی اللہ کا سچا پیغمبر ہے، اس کی پیروی اختیار کرو، جیسا کہ اللہ تعالیٰ نے ان کے اس مطالبے کا کئی جگہ ذکر کیا ہے، فرمایا : ﴿ وَ قَالُوْا لَوْ لَا اُنْزِلَ عَلَيْهِ مَلَكٌ ﴾ [ الأنعام : ۸ ] ’’اور انھوں نے کہا اس پر کوئی فرشتہ کیوں نہ اتارا گیا؟‘‘ اور دیکھیے سورۂ زخرف (۵۳) اورسورۂ فرقان( ۲۱، ۲۲) اور یہ بھی ہو سکتا ہے کہ جب آپ صلی اللہ علیہ وسلم ان کو عذاب سے ڈراتے تو انھوں نے ’’ لَوْ مَا تَاْتِيْنَا بِالْمَلٰٓىِٕكَةِ ‘‘ کہہ کر عذاب کا مطالبہ کیا ہو۔ (کبیر)