سورة ھود - آیت 104

وَمَا نُؤَخِّرُهُ إِلَّا لِأَجَلٍ مَّعْدُودٍ

ترجمہ مکہ - مولانا جوناگڑھی صاحب

اسے ہم ملتوی کرتے ہیں وہ صرف ایک مدت معین تک ہے (١)

تفسیر القرآن کریم (تفسیر عبدالسلام بھٹوی) - حافظ عبدالسلام بن محمد

وَ مَا نُؤَخِّرُهٗۤ اِلَّا لِاَجَلٍ مَّعْدُوْدٍ:’’ مَعْدُوْدٍ ‘‘ کا معنی ہے گنا ہوا۔ گنی ہوئی چیز آخر ختم ہو جاتی ہے، یعنی قیامت کی مہلت گنتی کے چند دن ہیں، جیسے روزوں کے متعلق فرمایا : ﴿ اَيَّامًا مَّعْدُوْدٰتٍ ﴾ [ البقرۃ : ۱۸۴ ] ’’گنے ہوئے چند دنوں میں۔‘‘ اور وہ گنتی صرف اللہ کے علم میں ہے، قیامت نہ اس سے پہلے آ سکتی ہے، نہ اس سے مؤخر ہو سکتی ہے۔