سورة العصر - آیت 2

إِنَّ الْإِنسَانَ لَفِي خُسْرٍ

ترجمہ مکہ - مولانا جوناگڑھی صاحب

بیشک (بالیقین) انسان سراسر نقصان میں ہے (١)

تیسیر الرحمن لبیان القرآن - محمد لقمان السلفی رحمہ اللہ

(2)اللہ تعالیٰ نے فرمایا : زمانے کی قسم ! انسان گھاٹے میں ہے، اس لئے کہ وہ دنیا میں جب تک زندہ رہتا ہے، اسے کوئی نہ کوئی پریشانی لاحق ہوتی رہتی ہے اور اگر کفر پر موت ہوجاتی ہے تو اس کا ٹھکانا جہنم ہوتا ہے اور اپنی عزیزترجان کو بھی کھو بیٹھتا ہے یعنی جہنم میں جانے کے بعد ہمیشہ کے لئے اس کی جان عذاب میں مبتلا رہے گی۔