سورة التکاثر - آیت 6

لَتَرَوُنَّ الْجَحِيمَ

ترجمہ مکہ - مولانا جوناگڑھی صاحب

تو بیشک تم جہنم دیکھ لو گے۔ (١)

تیسیر الرحمن لبیان القرآن - محمد لقمان السلفی رحمہ اللہ

(6) یہ دونوں آیتیں محذوف قسم کا جواب ہیں اور مقصود گزشتہ وعید اور دھمکی کی مزید تاکید ہے۔ اللہ تعالیٰ نے فرمایا : ہماری عزت اور ہمارے جلال کی قسم ! تم لوگ جہنم کو قیامت کے دن ضرور دیکھو گے، مشرک اسے دیکھے گا اور اس میں ڈال دیا جائے گا اور مومن اسے دیکھے گا، پھر اللہ تعالیٰ اسے اس سے نجات دے دے گا ۔