سورۃ البینہ مدنی ہے، اس میں آٹھ آیتیں اور ایک رکوع ہے ۔ تفسیر سورۃ البینہ نام : پہلی آیت کا آخری لفظ ” البینۃ“ ہے یہی اس سورت کا نام رکھ دیا گیا ہے اسے سورۃ القیامہ، سورۃ المنفکین اور سورۃ البریہ بھی کہتے ہیں۔ زمانہ نزول : جمہور علماء کے نزدیک یہ سورت مدنی ہے بعض لوگوں نے اسے مکی کہا ہے ابن مردویہ نے ابن عباس (رض) سے روایت کی ہے کہ سورۃ ” لم یکن“ مدینہ میں نازل ہوئی تھی اور عائشہ (رض) سے روایت کی ہے کہ سورۃ ” لم یکن“ مکہ میں نازل ہوئی تھی بخاری و مسلم وغیرہ نے انس (رض) سے روایت کی ہے کہ رسول اللہ (ﷺ) نے ابنی بن کعب (رض) سے فرمایا : مجھے اللہ نے حکم دیا ہے کہ تمہارے سامنے﴿لَمْ يَكُنِ الَّذِينَ كَفَرُوا Ĭ پڑھوں، ابی نے پوچھا : کیا اللہ نے میرا نام لے کر آپ سے کہا ہے؟ آپ نے کہا : ہاں تو ابی رونے لگے۔