سورة الفجر - آیت 14

إِنَّ رَبَّكَ لَبِالْمِرْصَادِ

ترجمہ مکہ - مولانا جوناگڑھی صاحب

یقیناً تیرا رب گھات میں ہے۔ (١)

تیسیر الرحمن لبیان القرآن - محمد لقمان السلفی رحمہ اللہ

(14)اللہ تعالیٰ نے فرمایا کہ اے میرے نبی ! آپ کا رب ہر کافر و سرکش اور ظالم و جابر کے گھات میں بیٹھا ہوا ہے، ان کے اعمال بد کو اکٹھا کر رہا ہے، تاکہ انہیں دنیا میں سزا دے اور آخرت میں انہیں جہنم رسید کرے۔ مفسرین لکھتے ہیں کہ اس سے مقصود بندوں کو ارتکاب معاصی سے ڈرانا اور انہیں طاعت و بندگی کی رغبت دلانی ہے اور یہ بات آیت سے بالکل واضح ہے۔