سورة عبس - آیت 12

فَمَن شَاءَ ذَكَرَهُ

ترجمہ مکہ - مولانا جوناگڑھی صاحب

جو چاہے اس سے نصیحت لے (١)

تیسیر الرحمن لبیان القرآن - محمد لقمان السلفی رحمہ اللہ

آیت (12)میں اللہ تعالیٰ نے فرمایا کہ اللہ کی جانب سے یہ ایک بہت بڑی نصیحت ہے، جس سے جو چاہے، اس پر عمل کر کے فائدہ اٹھالے جیسا کہ اللہ تعالیٰ نے سورۃ الکہف آیت (29)میں فرمایا ہے : ﴿ فَمَن شَاءَ فَلْيُؤْمِن وَمَن شَاءَ فَلْيَكْفُرْ Ĭ جو چاہے ایمان لے آئے اور جو چاہے کفر کرے“ یعنی جو چاہے ایمان لا کر اپنی عاقبت سدھار لے۔