سورة النبأ - آیت 39

ذَٰلِكَ الْيَوْمُ الْحَقُّ ۖ فَمَن شَاءَ اتَّخَذَ إِلَىٰ رَبِّهِ مَآبًا

ترجمہ جوناگڑھی - محمد جونا گڑھی

یہ دن ہے اب جو چاہے اپنے رب کے پاس (نیک اعمال کر کے) ٹھکانا بنالے (١)

تفسیرتیسیرارحمٰن - محمد لقمان سلفی

(39) اللہ تعالیٰ نے روز قیامت اس دن کے وعدہ وعید اور جز او سزا کا ذکر کرنے کے بعدمزید تاکید کے طور پر فرمایا کہ جس روز قیامت کا ذکر اوپر ہوا، اس کا آنا امر یقینی ہے، اس میں کوئی شبہ نہیں، اس لئے جو شخص اس دن سرخرو ہونا چاہتا ہے، وہ اللہ، اس کے رسول اور آخرت پر ایمان لا کر گناہوں سے بچے، اور عمل صالح کر کے رب العالمین سے قربت حاصل کرے۔