سورة النبأ - آیت 30

فَذُوقُوا فَلَن نَّزِيدَكُمْ إِلَّا عَذَابًا

ترجمہ مکہ - مولانا جوناگڑھی صاحب

اب تم (اپنے کئے کا) مزہ چکھو ہم تمہارا عذاب ہی بڑھاتے رہیں گے۔

تیسیر الرحمن لبیان القرآن - محمد لقمان السلفی رحمہ اللہ

(30)اس کے بعد اللہ تعالیٰ ان مجرمین سے ان کا ذہنی کرب والم بڑھانے کے لئے کہے گا کہ اب جہنم کے عذاب کا مزا چکھتے رہو، اب تو ہم تمہارے عذاب میں اضافہ ہی کرتے رہیں گے، اب تمہارے لئے چین و آرام کہاں ہے جب بھی تمہارے چمڑے جل جائیں گے ہم انہیں بدل دیں گے اور جب بھی آگ دھیمی ہوگی ہم اس کی تیزی کو بڑھا دیں گے۔ (اجارنا اللہ من النار)۔