سورة الإنسان

فَاصْبِرْ لِحُكْمِ رَبِّكَ وَلَا تُطِعْ مِنْهُمْ آثِمًا أَوْ كَفُورًا

پس تو اپنے رب کے حکم پر قائم رہ (١) اور ان میں سے کسی گنہگار یا ناشکرے کا کہنا نہ مان۔

(24) اور مشرکین قریش میں سے ابوجہل اورعتبہ بن ربیعہ جیسے گناہگاروں اور ولید بن مغیرہ جیسے نافرمانوں اور ناشکروں کی بات نہ مانئے، امام شوکانی نے مفسرین کا یہ قول نقل کیا ہے کہ آیت (24) میں ” آثما“ سے مراد عتبہ بن ربیعہ اور ” کفورا“ سے مراد ولید بن مغیرہ ہے ان دونوں نے نبی کریم (ﷺ) سے کہا تھا کہ تم لوگوں کو دعوت اسلام دینا بند کر دو ہم تمہیں مالا مال کردیں گے اور اپنی خوبصورت ترین عورتوں سے تمہاری شادی کردیں گے تو اللہ تعالیٰ نے ﴿إِنَّا نَحْنُ نَزَّلْنَا عَلَيْكَ الْقُرْآنَ تَنزِيلًا Ĭ اور اس کے بعد کی آیتیں نازل فرمائیں۔