سورة الإنسان - آیت 5

إِنَّ الْأَبْرَارَ يَشْرَبُونَ مِن كَأْسٍ كَانَ مِزَاجُهَا كَافُورًا

ترجمہ جوناگڑھی - محمد جونا گڑھی

بیشک نیک لوگ وہ جام پئیں گے جس کی امیزش کافور کی ہے۔ (١)

تفسیرتیسیرارحمٰن - محمد لقمان سلفی

(5) اس آیت کریمہ میں اللہ تعالیٰ نے ان نعمتوں کی خبر دی ہے جو اس نے مؤمنین صالحین کے لئے تیار رکھی ہے، فرمایا کہ ایسے لوگ نہایت لذیذ شراب پئیں گے جس میں کافور ملا ہوگا، تاکہ اسے ٹھنڈا کر دے اور اس کی تیزی کو زائل کر دے اور یہ کافور نہایت ہی لذیذہوگا اور دنیاوی کافور کی خرابیوں سے پاک ہوگا۔