سورة نوح - آیت 20

لِّتَسْلُكُوا مِنْهَا سُبُلًا فِجَاجًا

ترجمہ مکہ - مولانا جوناگڑھی صاحب

تاکہ تم اس کی کشادہ راہوں میں چلو پھرو۔ (١)

تیسیر الرحمن لبیان القرآن - محمد لقمان السلفی رحمہ اللہ

(20)تاکہ تم اس پر زندگی گذار سکو اور اس میں بنے ہوئے کشادہ راستوں پر بسہولت چل سکو۔ اگر اللہ تعالیٰ زمین کو برابر نہ بناتا تو اس پر زندگی گزارنا ناممکن ہوتا ،کھیتی کرنا ،پودے لگانا ،مکانات تعمیر کرنا اور ایک جگہ سے دوسری جگہ سفر کرنا اور انسانی زندگی کے دیگر امور کو برتنا ناممکن ہوتا۔