سورة الحشر - آیت 20

لَا يَسْتَوِي أَصْحَابُ النَّارِ وَأَصْحَابُ الْجَنَّةِ ۚ أَصْحَابُ الْجَنَّةِ هُمُ الْفَائِزُونَ

ترجمہ جوناگڑھی - محمد جونا گڑھی

اہل نار اور اہل جنت (باہم) برابر نہیں (١) جو اہل جنت میں ہیں وہی کامیاب ہیں (جو اہل نار ہیں وہ ناکام) ہیں (٢)۔

تفسیرتیسیرارحمٰن - محمد لقمان سلفی

(14) اہل جہنم اور اہل جنت ہرگز ایک دوسرے کے برابر نہیں ہو سکتے ہیں۔ یہ حکم عام ہے، اس لئے اہل جہنم میں اللہ کی یاد سے غافل اور اہل جنت میں اسے یاد کنے والے اور اس سے ڈرنے والے بدرجہ اولیٰ داخل ہیں، اس لئے کہ آیتوں کا سیاق و سباق انہیں دونوں قسموں کے بارے میں ہے اور اس حکم عام کے بعد، اللہ تعالیٰ نے صراحت کردی کہ حقیقی کامیابی و کامرانی تو صرف اہل جنت کے لئے ہے کہ انہیں ہر مصیبت و تکلیف سے نجات مل جائے گی اور ہر راحت و نعمت سے سرفراز کئے جائیں گے۔