سورة الواقعة

وَأَصْحَابُ الْيَمِينِ مَا أَصْحَابُ الْيَمِينِ

اور داہنے ہاتھ والے کیا ہی اچھے ہیں داہنے ہاتھ والے (١)

(9) اب ان اہل جنت کا ذکر ہو رہا ہے جنہیں اللہ تعالیٰ نے İأَصْحَابَ الْيَمِينِĬ کہا ہے، جنہیں عرش کے دائیں جانب جگہ ملے گی اور جن کے نامہ ہائے اعمال ان کے دائیں ہاتھوں میں ملیں گے۔ اللہ تعالیٰ نے فرمایا کہ ان دائیں جانب والوں کا کیا پوچھتے ہو، وہ تو بڑے اونچے لوگ ہوں گے اور ان کی سعادت و نیک بختی اوج ثریا کو پہنچی ہوگی۔