سورة القمر

بِسْمِ اللَّهِ الرَّحْمَٰنِ الرَّحِيمِ

شروع کرتا ہوں اللہ تعالیٰ کے نام سے جو بڑا مہربان نہایت رحم والا ہے۔ (سورۃ القمر۔ سورۃ نمبر ٥٤۔ تعداد آیات ٥٥)

سورۃ القمر مکی ہے، اس میں پچپن آیتیں اور تین رکوع ہیں تفسیر سورۃ القمر نام : پہلی آیت (اقْتَرَبَتِ السَّاعَةُ وَانْشَقَّ الْقَمَرُ) میں لفظ ” الْقَمَرُ “ آیا ہے یہی اس سورت کا نام رکھ دیا گیا ہے زمانہ نزول : اس کا زمانہ نزول مکی دور ہے، اس میں ” شق القمر“ کا واقعہ بیان کیا گیا ہے، جو محدثین و مفسرین کے نزدیک ہجرت سے تقریباً پانچ سال قبل پیش آیا تھا۔