سورة الطور - آیت 16

اصْلَوْهَا فَاصْبِرُوا أَوْ لَا تَصْبِرُوا سَوَاءٌ عَلَيْكُمْ ۖ إِنَّمَا تُجْزَوْنَ مَا كُنتُمْ تَعْمَلُونَ

ترجمہ جوناگڑھی - محمد جونا گڑھی

جاؤ دوزخ میں اب تمہارا صبر کرنا اور نہ کرنا تمہارے لئے یکساں ہے۔ تمہیں فقط تمہارے کئے کا بدل دیا جائے گا۔

تفسیرتیسیرارحمٰن - محمد لقمان سلفی

(7) اب تو وہ حقیقت جس کا تم دنیا میں انکار کرتے تھے تمہاری آنکھوں کے سامنے ہے اب جہنم میں داخل ہوجاؤ اور اس کے عذاب کی سختیوں کو جھیلو، صبر کرو یا نہ کرو، دونوں ہی حال برابر ہے، بہرحال اب نار جہنم سے چھٹکارا نہیں ہے، تم نے اپنے رب کا انکار کیا تھا اور زمین کو گناہوں سے بھر دیا تھا تو یہ عذاب تمہاری انہی بداعمالیوں کا نتیجہ ہے۔