سورة ص - آیت 64

إِنَّ ذَٰلِكَ لَحَقٌّ تَخَاصُمُ أَهْلِ النَّارِ

ترجمہ مکہ - مولانا جوناگڑھی صاحب

یقین جانو کہ دوزخیوں کا یہ جھگڑا ضرور ہی ہوگا (١)

تیسیر الرحمن لبیان القرآن - محمد لقمان السلفی رحمہ اللہ

(27) اللہ تعالیٰ نے فرمایا کہ یہ بات بالکل سچ ہے کہ اہل جہنم آپس میں جھگڑیں گے، ایک دوسرے کو الزام دیں گے اور سردار ان اور ان کے پیروکار ایک دوسرے کا برا چاہیں گے۔ بعض مفسرین نے اسی آیت سے استدلال کرتے ہوئے کہا ہے کہ آیت (59) میں ﴿لَا مَرْحَبًا بِهِمْ﴾سردار ان کفر کا قول ہے، فرشتوں کا نہیں، ورنہ ان کا آپس میں جھگڑنا ثابت نہیں ہوگا۔