سورة ص - آیت 39

هَٰذَا عَطَاؤُنَا فَامْنُنْ أَوْ أَمْسِكْ بِغَيْرِ حِسَابٍ

یہ ہے ہمارا عطیہ اب تو احسان کر یا روک رکھ، کچھ حساب نہیں (١)۔

سلیمان (علیہ السلام) نے اپنے رب سے جو کچھ مانگا انہیں عطا کیا اور ان سے کہہ دیا کہ اب آپ جسے جو چاہئے اور جتنا چاہئے دیجیے اور جسے چاہئے نہ دیجیے، آپ سے اس کا کوئی حساب نہیں لیا جائے گا۔ (بغیر حساب) کا ایک دوسرا معنی یہ بھی بیان کیا گیا ہے کہ ” ہماری نعمتیں آپ کے لئے بے حساب ہیں۔“