سورة يس - آیت 3

إِنَّكَ لَمِنَ الْمُرْسَلِينَ

ترجمہ جوناگڑھی - محمد جونا گڑھی

کہ بیشک آپ پیغمبروں میں سے ہیں (١)

تفسیرتیسیرارحمٰن - محمد لقمان سلفی

3 -نقاش کا قول ہے کہ اللہ تعالیٰ نے نبی کریم (ﷺ) کے سوا کسی دوسرے نبی کی نبوت کی توثیق کے لئے اپنی کتاب عزیز کی قسم نہیں کھائی ہے اور ایسا آپ (ﷺ) کی تعظیم و تکریم کے لئے کیا گیا ہے کفار قریش آپ (ﷺ) سے کہا کرتے تھے کہ تم اللہ کے پیغامبر نہیں ہوجیسا کہ سورۃ الرعد آیت 43 میں ان کا قول نقل کیا گیا ہے : ﴿لَسْتَ مُرْسَلًا﴾ اسی کی تردید کرتے ہوئے اللہ تعالیٰ نے یہاں فرمایا ہے کہ آپ بے شک میرے بھیجے ہوئے رسول ہیں ۔