2 -اللہ تعالیٰ سے کوئی چیز مخفی نہیں ہے، وہ آسمانوں اور زمین کے درمیان کی ہر چیز کا علم رکھتا ہے۔ زمین کے اندر جو کچھ ہے، چاہے وہ پانی کے خزانے ہوں یا دوسری چیزوں کے اور زمین سے جو کچھ نکلتا ہے یعنی درخت، پودے، غلے اور حیوانات اور آسمان سے جو کچھ نازل ہوتا ہے یعنی بارش، برف، اولے، بجلیاں، بندوں کی روزی، فرشتے اور طحائف آسمانی اور جو کچھ آسمان کی طرف چڑھتا ہے یعنی فرشتے اور بندوں کے اعمال ان سب کا علم صرف اللہ کو ہوتا ہے اور وہ اپنے توبہ کرنے والے بندوں کے گناہوں کو معاف کرتا رہتا ہے۔