سورة الفرقان - آیت 23

وَقَدِمْنَا إِلَىٰ مَا عَمِلُوا مِنْ عَمَلٍ فَجَعَلْنَاهُ هَبَاءً مَّنثُورًا

ترجمہ مکہ - مولانا جوناگڑھی صاحب

اور انہوں نے جو جو اعمال کیے تھے ہم نے ان کی طرف بڑھ کر انھیں پراگندہ ذروں کی طرح کردیا (١)

تیسیر الرحمن لبیان القرآن - محمد لقمان السلفی رحمہ اللہ

آیت (23) میں اللہ تعالیٰ نےمیدان محشر میں کافروں کی محرومی کا حال بیان کرتے ہوئےفرمایا کہ دنیا میں انہوں نے جو عمل محض دکھاوے کے لیے کیا تھا ،قیامت کے دن اس کی کوئ قیمت نہیں ہوگی،وہ فضا میں پھیلے ہوئے غبارے کے مانندبے وقعت وبےمعنی ہو جائے گا اللہ تعالی نے سورۃ ابراہیم آیت (18) میں فرمایا ہے ﴿مَثَلُ الَّذِينَ كَفَرُوا بِرَبِّهِمْ أَعْمَالُهُمْ كَرَمَادٍ اشْتَدَّتْ بِهِ الرِّيحُ﴾، جو لوگ اپنے رب کا انکار کرتے ہیں، ان کے اعمال مثل اس راکھ کے ہیں جس پر تیز ہوا آندھی والے دن چلے۔