سورة الحج - آیت 76

يَعْلَمُ مَا بَيْنَ أَيْدِيهِمْ وَمَا خَلْفَهُمْ ۗ وَإِلَى اللَّهِ تُرْجَعُ الْأُمُورُ

ترجمہ مکہ - مولانا جوناگڑھی صاحب

وہ بخوبی جانتا ہے جو کچھ ان کے آگے ہے اور جو کچھ ان کے پیچھے ہے، اور اللہ ہی کی طرف سب کام لوٹائے جاتے ہیں (١)۔

تیسیر الرحمن لبیان القرآن - محمد لقمان السلفی رحمہ اللہ

آیت (76) میں فرمایا کہ وہ اپنے بندوں کے تمام امور و اعمال سے واقف ہے اس لیے اسے حق پہنچتا ہے کہ وہ جسے چاہے اپنی رسالت و پیغمبری کے لیے اختیار کرے، کسی کو اس پر اعتراض کرنے کا حق نہیں پہنچتا ہے۔