سورة مريم - آیت 53

وَوَهَبْنَا لَهُ مِن رَّحْمَتِنَا أَخَاهُ هَارُونَ نَبِيًّا

ترجمہ جوناگڑھی - محمد جونا گڑھی

اور اپنی خاص مہربانی سے اس کے بھائی کو نبی بنا کر عطا فرمایا

تفسیرتیسیرارحمٰن - محمد لقمان سلفی

(33) موسیٰ (علیہ السلام) پر اللہ تعالیٰ نے ایک دوسرا احسان یہ کیا کہ ان کی دعا قبول کر کے ان کے بڑے بھائی ہارون کو نبی بنا دیا۔ سورۃ طہ آیات (29، 30) میں ان کی دعا یوں نقل کی گئی ہے :﴿ وَاجْعَلْ لِي وَزِيرًا مِنْ أَهْلِي هَارُونَ أَخِي﴾ور میرا وزیر میرے کنبے میں سے متعین کردے، یعنی میرے بھائی ہارون کو، تو اللہ نے ان کی دعا قبول کرلی اور فرمایا : ﴿ قَالَ قَدْ أُوتِيتَ سُؤْلَكَ يَا مُوسَى ﴾ اے موسیٰ تیری مانگ پوری کردی گئی۔ (طہ : 36)