سورة یوسف - آیت 92

قَالَ لَا تَثْرِيبَ عَلَيْكُمُ الْيَوْمَ ۖ يَغْفِرُ اللَّهُ لَكُمْ ۖ وَهُوَ أَرْحَمُ الرَّاحِمِينَ

ترجمہ جوناگڑھی - محمد جونا گڑھی

جواب دیا آج تم پر کوئی ملامت نہیں ہے (١) اللہ تمہیں بخشے، وہ سب مہربانوں سے بڑا مہربان ہے۔

تفسیرتیسیرارحمٰن - محمد لقمان سلفی

(79) یوسف (علیہ السلام) نے کہا جاؤ، آج میں نے تمہیں معاف کردیا، ماضی کی غلطی پر تمہارا مواخذہ نہیں کروں گا، اللہ بھی تمہیں معاف کردے، اور وہ تو بے حد رحم کرنے والا ہے۔