سورة التکاثر - آیت 3
كَلَّا سَوْفَ تَعْلَمُونَ
ترجمہ مکہ - مولانا جوناگڑھی صاحب
ہرگز نہیں (١) تم عنقریب معلوم کرلو گے۔
تفسیر تیسیر القرآن - مولانا عبدالرحمٰن کیلانی
[٣] یعنی تمہاری کثرت کے حصول کی خواہشات اور انہیں باتوں پر فخر و مباہات کی باتیں سراسر لغو اور باطل ہیں اور مرنے کے ساتھ ہی تمہیں خوب معلوم ہوجائے گا کہ تمہاری یہ زندگی بھر کی کوششیں فضول اور بے کار تھیں۔ اور ان میں کوئی کوشش اور کوئی چیز ایسی نہ تھی جو مرنے کے بعد تمہارے کام آسکے۔