سورة الملك - آیت 0

بِسْمِ اللَّهِ الرَّحْمَٰنِ الرَّحِيمِ

ترجمہ مکہ - مولانا جوناگڑھی صاحب

شروع کرتا ہوں اللہ تعالیٰ کے نام سے جو بڑا مہربان نہایت رحم والا ہے (سورۃ الملک۔ سورۃ نمبر ٦٧۔ تعداد آیات ٣٠)

تفسیر تیسیر القرآن - مولانا عبدالرحمٰن کیلانی

[١] سورۃ الملک کی فضیلت :۔ سیدنا ابوہریرہ رضی اللہ عنہ کہتے ہیں کہ رسول اللہ صلی اللہ علیہ وسلم نے فرمایا کہ قرآن میں ایک تیس آیتوں والی سورت ہے۔ اس سورت نے ایک آدمی کی شفاعت کی تاآنکہ اسے بخش دیا گیا اور وہ سورت﴿ تَبَارَكَ الَّذِي بِيَدِهِ الْمُلْكُ  ﴾(الملک) ہے۔ (ترمذی۔ ابو اب فضائل القرآن۔ باب ماجاء فی سورۃ الملک) سیدنا جابررضی اللہ عنہ فرماتے ہیں کہ رسول اللہ صلی اللہ علیہ وسلم تَبَارَكَ الَّذِي بِيَدِهِ الْمُلْكُ  اس وقت تک سوتے نہ تھے جب تک سورۃ المّ تَنْزِیْلَ اور ﴿ تَبَارَكَ الَّذِي بِيَدِهِ الْمُلْكُ  ﴾پڑھ نہ لیتے۔ (ترمذی۔ ایضاً)