سورة الانعام - آیت 77

فَلَمَّا رَأَى الْقَمَرَ بَازِغًا قَالَ هَٰذَا رَبِّي ۖ فَلَمَّا أَفَلَ قَالَ لَئِن لَّمْ يَهْدِنِي رَبِّي لَأَكُونَنَّ مِنَ الْقَوْمِ الضَّالِّينَ

ترجمہ مکہ - مولانا جوناگڑھی صاحب

پھر جب چاند کو دیکھا تو فرمایا یہ میرا رب ہے لیکن جب وہ غروب ہوگیا تو آپ نے فرمایا اگر مجھ کو میرے رب نے ہدایت نہ کی تو میں گمراہ لوگوں میں شامل ہوجاؤں گا۔

تسہیل البیان فی تفسیر القرآن - ام عمران شکیلہ بنت میاں فضل حسین

انسانی شعور کو آگے لے جایا جارہا ہے پہلے تارا۔ اب چاند دیکھا وہ بھی ڈوب گیا تو کہا یہ میرا رب نہیں ہوسکتا، پھر اللہ سے راہنمائی مانگی۔ ’’ اِیَّاکَ نَعْبُدُوَاِیَّاکَ نَسْتَعِیْنُ‘‘ ہم آپ کی بندگی کرتے ہیں اور آپ ہی سے مدد مانگتے ہیں آپ ہمیں سیدھا راستہ دکھائیں ابراہیم کے شعور سے سارے انسانوں کو ہدایت دی جارہی ہے۔