سورة الانعام

فَقُطِعَ دَابِرُ الْقَوْمِ الَّذِينَ ظَلَمُوا ۚ وَالْحَمْدُ لِلَّهِ رَبِّ الْعَالَمِينَ

پھر ظالم لوگوں کی جڑ کٹ گئی اور اللہ تعالیٰ کا شکر ہے جو تمام عالم کا پروردگار ہے۔ (١)۔

اس آیت میں خدا فراموش قوموں کے بارے میں اللہ بتاتا ہے کہ ہم بعض دفعہ وقتی طور پر عیش و عشرت کی فراوانی کرتے ہیں اور وہ اس میں مگن ہوجاتے ہیں، اللہ کو یکسر بھول جاتے ہیں تو یکدم ان پر ایسا سخت عذاب آتا ہے جو اس قوم کو تہس نہس کرکے صفحہ ہستی سے مٹا دیتا ہے یہ بھی اللہ کا احسان ہے کہ وہ وقتاً فوقتاً ان کو نیست و نابود کرتا رہتا ہے تاکہ مظلوم لوگ ان کے ظلم و ستم سے نجات پاکر اپنی زندگی آرام اور چین سے گزار سکیں۔