سورة الانعام

الَّذِينَ آتَيْنَاهُمُ الْكِتَابَ يَعْرِفُونَهُ كَمَا يَعْرِفُونَ أَبْنَاءَهُمُ ۘ الَّذِينَ خَسِرُوا أَنفُسَهُمْ فَهُمْ لَا يُؤْمِنُونَ

جن لوگوں کو ہم نے کتاب دی ہے وہ لوگ رسول کو پہچانتے ہیں جس طرح اپنے بیٹوں کو پہچانتے ہیں، جن لوگوں نے اپنے آپ کو گھاٹے میں ڈالا ہے سو وہ ایمان نہیں لائیں گے (١)۔

اہل کتاب کا آپ کو پہچاننا: جس طرح ایک باپ اپنے بچے کو بچوں کے جم گھٹے میں اپنے بیٹے کو فوراً پہچان لیتا ہے بالکل اسی طرح اہل کتاب اپنی کتاب میں مذکورہ نشانیوں کے مطابق نبی آخر الزماں کو پہچان چکے تھے کہ یہ وہی نبی ہیں جن کی بشارت دی گئی ہے پھر بھی وہ ایمان نہیں لاتے تو اسکی وجوہ انکی سرداریوں کی گدیوں کاخاتمہ، حسد اور بغض اور قومی عصبیت وغیرہ ہیں۔